دي صورة الماسك الواقي من فيروس كورونا اسمه N95 ده اللي بيوزعوه ع الناس في الصين وفي مدينة وهان مركز العدوى.. الماسك ده للأسف احتمال ميكونش موجود في مصر أساساً ولو موجود هيكون موجود بكميات قليلة.. المؤكد أن تحليل الكورونا مش موجود في مصر لان إحدي الصديقات رجعت امبارح من الصين عن طريق ماليزيا وباسبورها مكتوب فيه “محتمل إصابتها بفيروس كورونا” وكمان مطار ماليزيا بلغ مطار القاهرة عشان يستعدوا لاستقبالها.. ومع ذلك محدش في مطار القاهرة ولا حتى الأطباء كان لابس الماسك ده أو أي ماسك أصلا والصديقة دي لما طلبت تحليل الكورونا الدكتورة قالت لها التحليل ده غالي ومش موجود في مصر.. نفس الصديقة بلغتني أن الوضع في وهان خطير ومؤسف.. لان رغم كل إجراءات احكام السيطرة إلا أن الفيروس بينتشر بسرعة وأعداد المصابين بتزيد كل دقيقة والاعداد دي بتتعرف من خلال تطبيق موبايل عاملاه جامعة وهان.. إجراءات احكام السيطرة دي كالآتي.. اولا عزل مدينة وهان بالكامل لا حد يدخل ولا حد يطلع.. إجلاء الأجانب وكل دولة ليها ناس بعتت طائرتين يجيبوا ناسهم .ومصر ليها هناك في وهان حوالي من 150ل200 مصري بيدرسوا هناك.. ثانيا كل بني ادم في وهان ممنوع يخرج بره غرفته والأكل بيتم توزيعه بواسطة ناس لابسين بدل العزل الكاملة.. الناس المعزولة دي حالتهم النفسية بتزداد سوء لدرجة أنهم بيكلموا بعض من الشبابيك.. انا بكتب البوست ده عشان اوضح المعلومات السابقة والتالي من المعلومات حسب م عرفت من الصديقة العائدة من وهان.. قالتلي الآتي.. في الصين لا بياكلوا كلاب ولا تعابين ولا سحالي ولا فئران ولا أجنة والصينيين ناس نضاف جدا ومتقدمين وعندهم وعي صحي غير عادي لان مناعتهم الطبيعية ضعيفة جدا فبيحتاطوا جدا.. الصور المقززة المنتشرة لدول تانية في جنوب شرق آسيا غير الصين دول فقيرة زي كمبوديا إنما مش الصين.. وأكدت أن الأهم الماسك يكون N95 مش أي ماسك تاني.. الصديقة باحثة دكتوراة في مجال الإنتاج الحيواني كانت سافرت الصين من 3 سنين للحصول على درجة الدكتوراة من جامعة huazhong agricultural university, wuhan , china