بمناسبة إن غدا تذكار الأنبا بولس البسيط ابن انبا انطونيوس واللي اشتهر بالتواضع فعلشان كدا نلاقي صورته مميزة جدا وأسمها ايقونه “التواضع” ؛ لانه واقف وشايل فيها صخرة فوق راسه ودي ليها قصه جميله:
في يوم من الايام ناس جابت واحد عليه شيطان للانبا انطونيوس علشان يخرجه ولكن انبا انطونيوس بعتهم للانبا بولس البسيط وقالهم هو هيخرجه؛ الانبا بولس من اتضاعه راح قال للانبا انطونيوس ازاي اعمل كدا وانت موجود يا أبي فكان رد انبا انطونيوس عليه انه مفيش غيرة هيخرح الشيطان دا فرجع القلاية وابتدي يقول للشيطان :ابويا انبا انطونيوس بيقولك اخرج فرد الشيطان عليه ولعنه وشتمه؛ الانبا بولس قاله طالما ابويا انبا انطونيوس قالي انك هتخرج يبقي هتخرج وبعدين خرج انبا بولس البسيط بجوار القلاية وبكل اتضاع شال صخرة فوق راسة في عز الضهر ودرجة الحرارة العالية وصرخ وصلي : ” أنظر يا يسوع المسيح يا من صلبت على يدي بيلاطس البنطي، اني لن أنزل من على الصخرة ولن آكل أو أشرب حتى الموت ان لم تخرج هذا الروح الردئ من الرجل وتخلصه منه” قبل لما يخلص كان الشيطان بيخرج من الراجل وهو بيصرخ وبيقول ” يا للقوة! لقد هُزمت! ان بساطة بولس ترغمني وتطردني فأين أذهب”
علشان كدا الصورة بتترسم وهو شايل صخرة فوق راسة وبتتسمي ايقونة “التواضع”
” التواضع هو الخزنة التي تحفظ في داخلها جميع الفضائل”
