بيقولك ان الكمامة ليها لونين ابيض و ازرق
اللون الابيض فى فلتر بيمنع مرور الميكروبات فلو انت اللى عندك المرض بتلبس الابيض من جوة و الازرق من برة لكن لو انت سليم و عايز تحمى نفسك من انتقال الميكروبات هتلبس الازرق من جوة و الابيض من برة
و كمان فى فيديوهات على اليوتيوب بتشرح كده
مع قدوم الكورونا فيروس الكلام ده انتشر اكتر و البوستات مالية الفيس و بتتشير و دى هبدة عالمية مش مصرية بس
الصح ان الكمامة ملهاش غير طريقة واحدة للبس اللى هى الابيض جوة و الازرق برة لان الازرق ده جانب مضاد للماء waterproof عشان يمنع اى سوايل انها تتسرب للانف عشان كده بيكون برة بينما الجانب الابيض بيمتص بخار المية و اى سوايل خارجة من اللى لابسه فلازم يكون من جوة و كده الماسك بيتكون من 3 طبقات و الفلتر موجود فى النص مش على الجانب الابيض و لا حاجة
فى الصورة الطريقة الوحيدة الصحيحة للبس الماسك